Na Madina Mohammed DAR ES SALAAM
Kamati ya Tuzo za Tanzania (TMA 2024) iliyopewa jukumu mahususi la kuandaa Matukio ya Tuzo za muziki Tanzania imetangaza rasmi uzinduzi wa Tuzo hizo ambapo mchakato wake utaanza hivi karibuni.
Makamu Mwenyekiti wa Kamati ya TMA,Christine Mosha (Seven) Amesema Tuzo hizo za TMA ambazo zitajumuisha wasanii wote kuazia waimbaji,wachezaji na watayarishaji wa muziki ambao walitoa kazi zao kuazia January 1 Hadi desemba 31,2023 Kwa mwaka huu zimeongezwa ubora Ili ziwe tofauti ambapo yamefanyika makubaliano na makampuni makubwa Duniani ya paramount Africa inayomiliki vituo vya Tv vya BET,MTV BASE na kampuni hii itashiriki kuonesha matangazo yote ya ugawaji Tuzo live.
Amesema kuwa Tarehe 15 juni 2024 kamati inatarajia kuandaa tukio rasmi la ugawaji wa Tuzo za TMA 2024 ambapo matarajio ni kufanyika tukio la kihistoria huku likihudhuriwa na usiku wa sherehe kubwa hadhira mbalimbali kutoka Tanzania na kimataifa,kuendeleza usiku huo.
“Kwa mwaka huu wa Tuzo, kamati imeona ni vema kubadili namna Tuzo zinafanyika na kuweka ubunifu wa kimataifa,Kamati inatarajia kuandaa usiku wa”TMA Prelude” ambao utafanyika Mnamo tarehe 14 juni 2024, Tukio hilo litakuwa ni la awali kabla ya usiku wa Tuzo,lengo mahususi ni kuheshimisha mashujaa wa Tasnia hii”.Amesema Seven
Kamati inategemea kuratibu tukio la “TMA After Party” Ambapo ni maalum Kwa ajili ya kusheherekea mafanikio ya washindi wa Tuzo hizo za TMA 2024
Pamoja na hayo.washindi wa Tuzo Kupitia category 6 zitakazotangazwa hapo baadae watapelekwa kushuhudia utoaji wa Tuzo kubwa Duniani za BET
