Na mwandishi wetu DAR ES SALAAM
Jumuiya ya Umoja wa Wanawake Tanzania wa Chama Cha Mapinduzi (UWT) Ikiongozwa na Mwenyekiti wake Mary Chatanda , kupitia Katibu Mkuu Ndugu. Jokate Mwegelo amezindua kundi la SAMIA QUEENS ambalo ni muunganiko wa Wasanii wote wa Kike wa Sanaa ya Muziki na Uigizaji.
Lengo la kundi hilo ni kuwa sehemu ya kuhamasisha Wasichana na Wanawake wote Nchi nzima katika kuunga mkono juhudi za Serikali ya Awamu ya Sita inayoongozwa na Mwenyekiti wa CCM na Rais Dkt. Samia Suluhu Hassan katika utendaji kazi wake.
“Tupo hapa kuzindua kundi SAMIA QUEENS ambalo linahusisha wasanii wanawake nchini ambao wapo kwenye sanaa ya muziki na uigizaji , niwaeleze tuu ndugu zangu imezoelekea wanawake kuoenekana kama hawapendani na hawewezi kueshimiana kwa nafasi zao lakini historia na dhana hiyo imefutwa mbali chuni ya Rais Samia.”
“Tunashuhudia sasa wasanii wa kike wanaungana kwa mapenzi na heshima waliiyo nayo kwa Rais Samia.”
“Muungano huu ni sehemu ya matokeo ya falsafa ya 4R ya Rais Samia katika Ustahimilivu kwamba pamoja na tofauti zetu tukaheshimiana na hawa wasanii wameacha mashindano yao ya kimziki na filamu na badala yake kuwa pamoja na kutunga wimbo wa kutoa hamasa kwa wanawake kuendelea kueshirikiana, kuwa wamoja na kupeana fursa lakini bila kusahau kumsemea mazuri Rais wetu”
Wasanii hao ni Pamoja na Lady Jaydee, Zuchu, Mwasiti, Monalisa, Roda, Shilole, Nandy na wengine wengi.
