Makamu wa Rais Dkt Phillip Mpango amesema Serikali inaendeza kufanyia jitihada za kuhakikisha kutimiza Mpango wa Pili wa Maendeleo Endelevu (SDG-2) ili kufikia sifuri ya njaa ifikapo 2030 na kuongeza uwezo wa nchi kuwa kama ghala la chakula la kikanda na kimataifa.
Makamu wa Rais ameyasema hayo jijini Dar es Salaam katika ufunguzi wa mkutano mkubwa wa Jukwaa la Mfumo wa chakula Afrika AGRF ambapo amesema Katika suala hilo, mabadiliko ya mfumo wa chakula yamesalia kuwa ajenda kuu ya maendeleo, na zimesajiliwa hatua kadhaa muhimu.
“Serikali imeongeza bajeti ya kilimo kwa takriban asilimia 70, katika kipindi cha miaka miwili iliyopita ambapo kutoka dola milioni 120 mwaka 2021/2022 hadi dola milioni 397 mwaka 2023/24 ili kuchochea mabadiliko ya kilimo na mfumo wa chakula”Amesema Mpango
Akifafanua zaidi amesema bajeti iliyoongezeka inalenga kubadilisha kilimo kuwa Kilimo cha Biashara na kuongeza ukuaji wa sekta ndogo ya mazao hadi asilimia 10 ifikapo mwaka 2030 kutoka kiwango cha sasa cha asilimia 5.4.
Dk Mpango amesema mikakati ya kibajeti ni pamoja na kuongeza bajeti
kwenye sekta ya kilimo kutoka Dola za kimarekani milioni 120 kwa mwaka
2021/2022 hadi kufikia milioni 397 kwa mwaka 2023/2024 iliotolewa na
serikali ili kuboresha sekta ya kilimo.
โTunawashkuru AGRF kwa kuandaa mkutano huu,kwa kushirikiana na
serikali naamini unakwenda kuleta matokeo chanya,huku akisisitiza mada
zitakazojadiliwa zilenge kwenye uzalishaji wa chakula haijalishi tuko
na hali gani,โamesema Dk Mpango.
Dk Mpango amesema hii inaonyesha jinsi gani gani serikali,ambavyo
imejikita kuwekeza katika kilimo hasa ukizingatia sekta ya kilimo
inamgusa kila mmoja.
Amesema hii ni bahati kubwa kwa Tanzania kuwa mwenyeji wa mkutano huu
kwa mara ya pili,inaonyesha jinsi gani ilivyojipanga kuhakikisha sekta
ya kilimo inapiga hatua kwenye kilimo ili kuwainua wananchi wake kiuchumi.
Amesema kuwa mpango huo pia unalenga kuboresha huduma za ugani na kuongeza uwekezaji katika sekta hiyo pamoja na kuhamasisha ushiriki wa vijana katika kilimo biashara kupitia kuanzisha kilimo cha umwagiliaji cha vitalu chini ya Mpango wa Kujenga Kesho Bora.
