MKUU wa Mkoa wa Dar es Salaam Albert Chalamila amewataka Wamachinga, Bodaboda na Madereva Bajaji kuepuka maneno chonganishi ambayo yatasababisha uvunjifu wa Amani ya Taifa.
RC Chalamila ametoa kauli hiyo leo Agosti 2, 2023 akizungumza katika kongamano la Wamachinga, Bodaboda na Madereva Bajaji lenye lengo la kumpongeza Rais Dkt. Samia Suluhu Hassan lililofanyika viwanja vya Mnazi Mmoja jijini Dar es Salaam.
โTukiangalia haya ndugu zangu, naombeni haya niendelee kuyasisitiza, mimi leo nilitarajia kwamba midaharo mbalimbali ya sisi viongozi wa kisiasa na hata vyama vingine vya upinzani visema, kwa kuwa bodaboda na mama lishe ni laana, basi sisi tunawaanzishia benki ya Machinga Tanzania na mtakopa angalau hata kwa riba ya asilimia moja,โ amesema Chalamila na kuongeza,
โLakini sijaona mambo haya yanafanyika, kwahiyo epukeni maneno chonganishi ambayo yatawatoa kwenye reli ya kutunza Amani ya Taifa lenu,โ.
RC Chalamila ameshangazwa baada ya Rais Samia kurejesha mikutano ya kisiasa baadhi ya wanasiasa kuzunguka maeneo mbalimbali ya nchi wakifanya mikutano ya hadhara na kumtukana na kusahau kuwa yeye ndiye aliyewaruhusu kwani miaka kadhaa iliyopita ilikuwa imepigwa marufuku.
Amesema kuwa haiwezekani kuwa na vyama vya siasa ambavyo ajenda zao zinakwenda na matukio tu.
Madina Mohammed
