Naibu Waziri, Ofisi ya Waziri Mkuu anayeshughulikia Kazi, Vijana, Ajira na Wenye Ulemavu, Mhe. Patrobas Katambi amesema kuwa Serikali ya Awamu ya Sita chini ya uongozi wa Mhe. Rais Dkt. Samia Suluhu Hassan imeendelea kuwajali na kuwathamini Watu wenye Ulemavu kwa kuhakikisha inakuza ustawi wa kundi hilo.
Akizungumza Katika viwanja vya Bungeni jijini dodoma Naibu waziri Mhe.patrobas Katambi alipokutana na wageni kutoka Chama cha Wazazi wa Watoto wa Kichwa Kikubwa na Mgongo Wazi (ASBAHT) amesema kuwa Serikali imeboresha huduma kwa Watu Wenye Ulemavu ambapo mwaka 2022/2023 ilitenga jumla ya shilingi bilioni 3.46 kwa ajili ya kukamilisha ukarabati wa vyuo vya Watu Wenye Ulemavu vya Mtapika (Masasi – Mtwara), Luanzari (Tabora), Sabasaba (Singida) na Yombo (Dar es Salaam).
“Serikali katika mwaka 2023/2024 imepanga kuwawezesha Watu wenye Ulemavu kujiajiri na kuajiriwa kwa kuongeza fursa za mafunzo ya ufundi stadi na marekebisho”Alisema katambi
Kwa upande mwengine Mhe. Katambi amesema Serikali imetengeneza Mfumo wa Kielektroniki wa Watu Wenye Ulemavu ili kuongeza ufanisi wa upatikanaji wa taarifa za watu wenye ulemavu. Mfumo huo utawezesha kumtambua mtu mmoja mmoja mwenye ulemavu, mahali alipo,na shughuli anayoifanya na mahitaji yake
Madina Mohammed
